Moonの生活手記

Hello 大家好 ! 其實我係一個電腦白痴， 之前嘅片一直都係用 iphone + window 電 腦 哩一個組合拍出來的!    前排有個朋友都係用呢個組合， 當佢剪片嘅時候就出現咗問題! 「點解放上電腦之後，條片變得成有聲無畫嘅」 「 放入剪片嘅 software 呢，更加係剪唔到 !!!」 之前我剪片都有呢個問題， 都係陳生幫我搞掂咗~但就我乜理背後嘅原理係乜野，今次幫朋友，自己都搞清埋背後嘅問題所在，所以我就想拍呢條片+寫埋呢篇Blog，幫吓同我地一樣有哩個問題嘅大家! 😂   原來 Iphone 同 Window 電腦係行緊 2 個完全唔同嘅系統:  一個行 IOS , 另一個係行 W indows ~  蘋果就採用 同 window 無嘅 codec 去處理影象同埋相片， 目的就係令佢地嘅 file size 縮細啲啦!  可以更有效利用儲存空間 !  所以你將條片放入 window 電腦之後呢!  就會出現有聲無畫嘅情況啦! 咁究竟點先可以睇返啲相同片呢 ? 1. Download VLC: 立即有聲，得咗! 其實你只要去 microsoft download 返 VLC 程式，可以睇到 HEVC format 嘅影片 >> 立即download 免費VLC https://www.microsoft.com/zh-hk/p/vlc/9nblggh4vvnh?activetab=pivot:overviewtab 2. Download HEVC: 剪片暢通無阻! 如果你真係要剪片的話， 就要再 downlaod  HEVC codec 就 可以係我下面嘅 Link  免費 download， 安裝完之後就可以剪片 架啦~ >> 立即download 免費HEVC codec https://drive.google.com/file/d/1UbmthV9H-V52tGVCX4u0IwooV4U9sfjN/view?usp=sharing 3. 更改iPhone設定: 最相容 另外你亦都可以係 iphone 上面 更改設定， 令你拍出來嘅片和相都有更多通用性!  首先你...

石塑膠地板條片已經出咗差唔多1年啦！ 過去一年都一直收到好多網友嘅留言! 有啲就讚，有啲就彈! 其實開頭我出呢條片，諗住其實無咩人睇架咋! 結果成為我YouTube Channel最愛歡迎嘅片。有啲留言成日話我地教壞人，其實你估自己辛辛苦苦砌地板，真係為咗愛咩! (係窮呀>..<)  加上個陣網上好似無咩呢類型資料，所以想分享比同我地一樣有需要嘅網友! 較早前之收到一個問得好好嘅問題! 佢問又過咗大半年，宜家地板損耗成點? 仲建唔建議人買? 有冇新問題?  陳記覺得CP值真係高，大致上都無咩問題！我都覺得OK，但係又的確有問題存在嘅~  1. 地板凹陷 我發現有一個問題比較嚴重! 唔知係我地砌得唔好，定係本身地板問題，屋企最中間嘅位置，即係陳記食飯經常坐嘅位置，個到嘅地板凹咗入去!  唔知係咪陳記太重，坐斷咗啲卡糟呢!? 但亦可能係本身砌地板個陣，有某啲地板卡糟崩咗我地都照用， 始終我地買地板預得好緊，無得更換!   2. 熱脹冷縮?  有幾處地方有少少 微微拱起 。  雖然唔係好明顯，要唔着鞋行先會feel到! 對於陳記係唔會影響使用感，但我成日唔着鞋啫~ 哈哈 覺得依家地板損耗成點?  表面睇其實唔係點睇到有咩損耗。係成日驚用碌碌櫈會整花地板! 之前陳記張碌碌櫈，碌唔到，夾硬咁磨嚟磨去! 開頭岩岩個陣，我成日都覺得地板好似有層粉咁架! 可能係係磨得多，有啲粉沫出現! 自從換咗之後，我好似又唔係好覺有呢個情況 同埋如果比我重新揀過, 我可能會揀再淺色啲嘅地板，一黎淺色啲嘅地板容易睇到地下有咩垃圾，吸塵時會易睇啲! 依家好似有啲花 仲有係淺色地板坑紋會淺，無咁易藏污納垢!   猶其係如果你有用碌碌櫈就明，用得耐，碌會碌出一da黑色塵痴住地下，好易攝入坑紋裡面。 最後會唔會推介石塑膠地板? 其實又唔一定話推唔推介嘅，視乎返你有冇需要! 出面唔包料鋪磚都6、7千蚊，自己鋪膠地板平咗8、9成~ 咁睇餸食飯，Budget 少嘅, 同埋唔打算長住嘅咪可以鋪囉~  暫時都冇後悔，可能要再長少少時間先有問題浮現，好啦今次分享嚟到咁多! 如果你都喜歡我嘅分享，記得訂閱同讚好，或者留言話我知! 立即地膠板足本分享: https://www.yout...

自己魚生丼，自己話事😋 近排疫情放緩，終於可以同👦🏻出嚟搵吓嘢食🥳 上網搵咗呢一間壽司店，個樣又好似幾吸引，而且又好抵食！ $70就可以任揀五款嘅魚生，選擇多，而且仲有佢最鍾意食嘅左口魚邊揀😍所以就決定食呢一間啦！   $70任選5款魚生🍣 呢個價錢包任揀五款魚生同埋白飯或壽司飯，亦都可以加$5升級，選擇薑味壽司飯，冬菇壽司飯，黑椒三文魚飯或者配沙律菜！白飯同壽司飯可以免費任添！飯桶們唔使怕餓親～🤣😂 我揀咗，北寄貝（2切），火炙左口魚邊（3切），泰式生蝦（2隻），赤蝦（2隻），火炙藍鯨吞拿魚（2切） 刺身都新鮮，好好味！ 左口魚邊入口即溶，成個口都充滿魚油味🥰🥰好正！ 生蝦同埋赤蝦都好爽口！ 藍鯨吞拿魚都唔錯，但有少少筋～ 佢揀咗，火炙三文魚腩（2切），火炙左口魚邊（3切），火炙藍鯨吞拿魚（2切），松業蟹鉗（2隻），馬刀貝（3切） 最值得一讚嘅係佢嘅Wasabi，雖然我唔係好識分，但係我食得出裏面有少少纖維顆粒，感覺好似好足料～ 而唔係啲cheap cheap 中國製化學Wasabi👍🏻👍🏻 平時我唔會食配壽司嘅薑，因為我受唔到，覺得好辣！但佢地薑蓉帶少少甜味，相對上易接受好多！ 有少少驚喜～ 平時出街食壽司檔，兩至三款魚生都已經要$70-$80，呢度可以任揀5款真係好抵食呀！推介👍🏻 鉄火堂 (登打士街)  地址 : 旺角登打士街36號恆威商業中心地下1-2號舖 Shop 1-2, G/F., Hanway Commercial Centre, 36 Dundas Street, Mong Kok 營業時間:  星期一至日  12:00 - 22:45

深圳老街小介紹 有讀過中國近代歷史的小朋友都知道，深圳是中國的經濟特區。隨著大陸經濟急速發展，東門由以前的墟市搖身一變成為繁華的零售商業區。東門商業區由幾條街組成，範圍包括深南東路以北，立新路以南，新園路以東，東門中路以西的，面積約 18 萬平方米，當中包括步行街。 早於明朝中後期， 深圳東門已經有商業活動聚集，以前東門被稱為老街或羅湖舊城。現在東門的地下鐵名字是老街，亦是有跡可尋的。而東門意思指深圳墟的東門。 來到東門，一出地下鐵，再走兩步，眼前就會出現一連串中國風的建築。原來中國第一間的 McDonalds 就是在深圳，直到現在還存在。這間 McDonalds 是由香港 McDondalds 於 1990 開設的，數一數手指已經有 26 年歷史。 原來中國第一間的 McDonalds­­- ­ 地址 : 解放路光華樓西華宫 小時候跟家人回鄉，過關後來到深圳，每次都好衝忙地趕上直通巴士回家鄉。從來也沒有踏足過深圳的領土。所以襯港鐵 每逢星期六成人半價優惠 ，我決定要擴展我的地圖至深圳 ! 【慳錢搭港鐵 - 新方法】 搭港鐵向都很貴，平時過海動不動就收我十幾元，真的是 “ 慳得一蚊，得一蚊 ” 原來北上有方法可以慳幾元，只要在上水站出一出閘，最多可以慳 $9.3HKD! 慳回來的錢可以在大陸吃多一兩串串燒了。所以，不怕麻煩，不趕時間的小朋友，不妨考慮在上水站出一出閘。 優惠前票價 優惠後票價 直接去 ( 紅磡入閘，羅湖出閘 ) $38.1 HKD $38.1 HKD 中途上水站 出閘 ( 紅磡入閘，上水出閘 ; 上水入閘，羅湖出閘 ) 10.2+24 =$34.2 HKD 4.8+24 =$28.8 HKD 慳多少 $3.9 HKD $9.3 HKD * 以上價錢以由紅磡到羅湖的成人八達通票價計算。 另外，其實在上水出閘，除了可以慳錢外，亦可以到上水站買大陸電話卡 ( 儲值 ) 。一出閘，就會見到有大叔在攞攤擋， $200...